MAQEDONASIT NË FJALORIN ENCIKLOPEDIK SHQIPTAR TË VITIT 1985

– јули 19, 2023внесено во: Актуелно

Fjalori enciklopedik shqiptar i vitit 1985 shkruan për banorët me kombësi maqedonase në Pustec, për shkollën në gjuhën maqedonase, për bashkëpunimin me çetat maqedonase dhe për pjesëmarrjen e banorëve në luftën antifashiste nacionalçlirimtare.

✤ (Pusteci). Fshat në rrethin e Korçës (VL), në breg të liqenit të Prespës së Madhe. Qendër e fshatit të bashkuar që përfshin edhe fshatrat Zaroshkë, Cerje, Lajthize, Djellas (Shulin), Gollomboç, Goricë e Madhe, Goricë e Vogël dhe Kallamas (Bezmisht), popullsia gjithsej 3920 banorë. Është fshat i lashtë. Kisha e Shën Marisë e shek. XIV në ishullin e Maligradit është e përmendur për pikturat murale me vlera artistike. Banorët e Pustecit janë me kombësi maqedone. Në këtë zonë kanë vepruar çetat e lirisë gjatë luftës për Pavarësi, dhe ka qenë vend takimi e bashkëpunimi me çetat maqedone. Banorët kanë marrë pjesë gjallërisht në Luftën ANÇ. Midis betejave të zhvilluara këtu është ajo e 11 gushtit 1943 ndërmjet batalionit «Fuat Babani» dhe forcave fashiste italiane në Qafën e Bigllës. Pusteci përfshihet në koopertivën e bashkuar me të njëjtin emër. Drejtimi kryesor i ekonomisë është rritja e bagëtisë (mbarështimi i dhenve) dhe peshkimi. Pusteci ka shkollë të mesme bujqësore, shkollë në gjuhën maqedone, muze, vatër kulture, librari, spital njësi tregtare e komunale, shkruan për Pustecin në Fjalorin enciklopedik shqiptar të vitit 1985.”

Ky Fjalor Enciklopedik, është përgatitur në Sektorin e Enciklopedisë të Akademisë së Shkencave të Shqipërisë, nën udhëheqjen e kryeredaktorit Aleks Buda.

Vasil Sterjovski