Проф. д-р Кимет Фетаху разговара за прашањата на националните малцинства во Тирана

– март 2, 2024внесено во: Политика

Проф. д-р Кимет Фетаху, почесниот претседател на партијата Македонска алијанса за европска интеграција (МАЕИ), учествуваше на важен разговор со младите, одржан во Тирана. Овој настан беше организиран од страна на Здружението на Обединетите нации Албанија со тема „ Кон инклузија: Прашањето на националните малцинства “. Оваа средба продолжи со низа прашања и одговори, на која проф. Фетаху се осврна на различни прашања кои ги засегаат националните малцинства во Албанија, пренесува весник Македониум.

Во оваа дискусија, проф. Фетаху се фокусираше на предизвиците со кои се соочија националните малцинства во последните години, вклучително и јазичните прашања, субвенциите и учеството во одлучувањето. Тој, исто така, даде свое мислење за точноста на Пописот од 2023 година и неговото влијание врз демографските податоци на националните малцинства.

Друга клучна точка на дискусиите беше ставот на проф. Фетаху на мерките што ги презема албанската влада за справување со проблемите на малцинствата, каде што ги искажа своите ставови за тоа што може подобро да направи владата. Тој се осврна и на напорите на Бугарија за асимилација на македонската заедница во Албанија.

На крајот, проф. Фетаху ја изрази својата визија за иднината на интеграција и зачувување на идентитетот на националните малцинства во Албанија, нагласувајќи ја важноста од соработката и меѓусебното разбирање меѓу различните етнички групи.

Овој состанок беше важна платформа за дискусија и решавање на прашања кои ги засегаат националните малцинства во Албанија и регионот. Учеството на проф. Фетаху на овој настан служи како доказ за неговата постојана посветеност на промовирање на меѓуетнички дијалог и разбирање.

©Македониум