ДЕНОТ НА МУЗЕИТЕ ОДБЕЛЕЖАН ВО МАЛА ПРЕСПА СО ИЗЛОЖБАТА “ГРАДСКИ КОСТИМИ”

– мај 22, 2023внесено во: Култура и Уметност

По повод 18 Мај Меѓународниот ден на музеите во Музејот на Стерјо Спасе во село Глобочани, Мала Преспа, Албанија, беше поставена изложбата “Градски костими”, чиј автор е Наде Геневска Брачиќ, етнолог советник.

Изложбата се реализираше во рамките на проектот SMART4YOU2, а во соработка помеѓу Националната установа “Завод и музеј” – Битола и Директоратот за културно наследство – Корча, како дел од партнерството кое го сочинуваат и Општина Битола, Општина Пустец и Младинскиот културен центар од Битола.

Проектот SMART4YOU2 се имплементира во рамките на ИПА програмата за прекугранична соработка помеѓу Македонија и Албанија и е ко-финансиран од страна на Европската унија и Министерството за локална самоуправа.

На отварањето на изложбата се обратија градоначалникот на Општина Пустец, Пали Колефски, директорот на Директоратот за културно наследство на Корча, Аманда Чичи, директорот на НУ “Завод и Музеј” – Битола, д-р Мери Стојанова, како и авторот на изложбата, Наде Геневска Брачиќ.

На изложбата присутвуваа поголем број на посетители кои со огромен интерес ја проследија изложбата и дискутираа околу поединечни облековни елементи и костими што претставуваат значаен дел од македонската традиција и култура.

©Македониум