NDERIM INTELEKTUALIT DHE ARTISTIT NAZIF DOKLE NË 7-VJETORIN E VDEKJES

– декември 30, 2021внесено во: Албанија

Më 30 dhjetor 2014, në Kukës, vdiq Nazif Dokle, themeluesi dhe kryetari i parë i shoqatës etnokulturore të maqedonasve “GORA” në vitin 1991 dhe mbledhës i folklorit të zonës së Gorës.


Nazif Dokle

Ai lindi më 15 janar 1945 në fshatin Borje në zonën e Gorës, Shqipëri. U diplomua për Artet e Bukura në Tiranë, dega skulpturë dhe më pas u diplomua në Shkollën e Lartë Pedagogjike në Shkodër, dega Gjuhë dhe Letërsi Shqipe.

Nazif Dokle punoi për shumë vite si mësues, kryeinspektor arsimi në qarkun e Kukësit dhe drejtor i Muzeut të Kukësit, si dhe ishte skenograf dhe regjisor i disa dokumentarëve. Ishte anëtar i Lidhjes së Shkrimtarëve dhe Artistëve të Shqipërisë që nga viti 1975.

Veprimtaria kërkimore e Nazif Dokles përfshin shumë materiale në fushën e historisë, gjuhësisë dhe etnografisë. Ka botuar mbi 35 libra, 130 artikuj në gazeta, si dhe në revista shkencore e kulturore në Shqipëri dhe vende të tjera. Veprat e tij më të njohura janë fjalori “Gorançe-Shqip” me mbi 43.000 fjalë, “Për Gorën dhe Goranët”, “Muke Mile”, “Sevni bre ashik, sevni bre dusho”, “Këngë popullore gorane”, “Bogomilizmi dhe etnogjeneza e Torbeshëve të Gorës në Kukës” e të tjera. Nazif Dokle është autor i disa ekspozitave artistike. Ai ka qenë organizator i disa festivaleve në Kukës ku prezantohet folklori i pasur i zonës së Gorës.

U prehtë në paqe dhe lavdi e përjetshme, kujtim i përjetshëm emrit dhe veprës së Nazif Dokles.

© Makedonium