Aleanca Kuq e Zi me padi kërkon heqjen e gjobës për incidentet e shkaktuara në komunën Pustec

– gusht 17, 2013Postuar në: Aktualitet

Kreshnik Spahiu, kryetar i Aleancës Kuq e Zi, paraqiti një ankesë kundër vendimit të Komisionerit për Mbrojtjen nga Diskriminimi, me të cilën është denuar me gjobe Aleanca Kuq e Zi për incidentet e shkaktuara në komunën Pustec më 16 nëntor 2012, kurse me vendimin e mëparshëm  te 4 prill 2013 Komisioneri kërkonte falje publike nga Aleanca Kuq e Zi brenda 30 ditëve, përndryshe do të gjobiteshe.

Padia e Aleancës Kuq e Zi

Padia e Aleancës Kuq e Zi


Në padinë e ngritur nga Kreshnik Spahiu, kryetar i Aleancës Kuq e Zi drejtuar Gjykatën e Shkallës së Parë në Tirana thuhet:
“Pretendimet e ngritura nga Komisioneri për Mbrojtjen nga Diskriminimi dhe komuna Pustec janë sa absurd dhe jo reale, kjo për faktin e thjeshtë sepse nga ana e subjektit politik në komunën Liqenas, nuk është ndërmarrë asnjë veprim diskriminues apo dhunues kundrejt perfaqesuesve dhe komunitetit të Liqenasit.
Shqetësimet  e shprehura nga Edmond Themelko, kryetar i komunës Pustec dhe vendimet e nxjera nga Komisioneri për Mbrojtjen nga Diskriminimi nuk janë mbështetur në ligj e në prova, e për pasoj keto vendime janë akte administrative absolutisht të pavlefshme “- thuhet në padin e Aleances Kuq e Zi.
Me padin, e cila i referohet Kushtetutës së Republikës së Shqipërisë, Konventen Kuadër për Mbrojtjen e Pakicave dhe Konventën Europiane për të Drejtat e Njeriut, Aleanca Kuq e Zi kërkon shfuqizimin e aktit administrativ, Vendimi i Nr.75 01.07.2013 “Për gjobë” nga Komisioneri për Mbrojtjen nga Diskriminimi dhe shpenzimet ligjore të mbulohen nga Komisionerit për Mbrojtjen nga Diskriminimi dhe Edmond Themelko, kryetar i komunës Pustec.

Padia e Aleancës Kuq e Zi

Padia e Aleancës Kuq e Zi


Me vendimin e datës 4 prill 2013 Komisioneri për Mbrojtjen nga Diskriminimi, kërkonte falje publike nga Aleanca Kuq e Zi për incidentet e shkaktuara në komunën Pustec, dhe pasi nuk zbatovi vendimin, me 1 korik komisioneri mori vendim me të cilin Aleanca Kuq e Zi u denua me një gjobë prej 60.000 lek.
Edhe pse Komisioneri me vendimin e datës 4 prill 2013, gjykoi se dekleratat dhe veprimet e Aleances Kuq e Zi jane diskriminuese për minoritetin maqedonas në komunën Pustec dhe se: “Veprimet e tilla janë paraqitje tipike të një nacionalizmi agresiv dhe diskriminim të minoriteteve përmes mohimit i të drejtave të tyre që janë të garantuara me ligjet ndërkombëtare dhe legjislacionin e brendshëm dhe mosndëshkimi i një sjellje të tillë diskriminuese do te minonte rende qëllimin e ekzistimit të ligjit “Për mbrojtjen nga diskriminimi”, megjithatë Komisioneri për Mbrojtje nga Diskriminimi vendosi që të ndëshkonte Aleancen Kuq e Zi  me një gjobë minimale prej 60.000 lek, ndonese ligji parashikon gjobë deri ne 500.000 lek.

Seanca e parë per këtë padi do të mbahet më 7 tetor 2013, në Gjykatën e Shkallës së Parë në Tiranë.

Më 16 nëntor 2012, në komunën Pustec anëtarë të partisë ultra-nacionaliste, Aleanca Kuq e Zi dëmtuan sinjalistiken rrugore të komunës, sinjalistiken e gjimnazit, qëndrën shëndetësore si dhe thërrisnin parulla nacionaliste.
Këto sulme dhe kërcënime te Aleancës Kuq e Zi në komunën Pustec i dënoi ambasadori amerikan në Shqipëri Aleksander Arvizu. Gjatë fjalimit të tij të mbajtur në Konferencën e 15-të Ndërkombëtare mbi Sigurinë në Ballkanin Perandimor më 14.12.2012 në Tiranë, diplomati amerikan deklaroi se “Kërcënimet e kohëve të fundit ndaj pakicës maqedonase në Liqenas nga disa individë të drejtuar gabimisht, janë tërësisht të papranueshme dhe duhet të refuzohen kategorikisht prej të gjithë shqiptarëve”  deklaroi ambasadori Arvizu.
Gjithashtu, këto incidente janë perfshire në raportin vjetor për të drejtat e njeriut në Shqipëri, nga ana e Departamentit Amerikan të Shtetit. (Makedonium)