AMIE mbështeti hapjen e Klubit kulturor maqedonas “Nikolla Vapcarov” në Bllagoevgrad

– October 31, 2022Posted in: Politics

Partia e vetme e maqedonasve në Shqipëri, Aleanca e Maqedonase për Integrimin Europian (AMIE) mbështeti hapjen e Klubit kulturor maqedonas “Nikolla Vapctarov” në Bllagoevgrad.

Në ceremoninë e hapjes së Klubit kulturor maqedonas “Nikolla Vapcarov” në Bllagoevgrad, në emër të partisë Aleanca e Maqedonasve për Integrimin Europian, mori pjesë edhe anëtari i Komitetit Ekzekutiv, Jani Kolevski.

– Kam pasur nderin të marr pjesë në hapjen e Klubit kulturor maqedonas “Nikolla Vapcarov” në Bllagoevgrad. Kjo është një ngjarje historike për maqedonasit në Bullgari. Në emër të partisë Aleanca e Maqedonasve për Integrimin Europian, por edhe në emër të të gjithë maqedonasve nga Shqipëria, i përgëzoj organizatorët për këtë ngjarje madhështore për maqedonasit në Bullgari. Maqedonasit në Shqipëri mbështesin luftën e maqedonasve në Bullgari për mbrojtjen e identitetit të tyre etnik dhe kulturor, tha Jani Kolevski.

Në hapjen e Klubit kulturor maqedonas “Nikolla Vapcarov” në Bllagoevgrad morën pjesë maqedonas nga Bullgaria, Greqia, Maqedonia dhe Shqipëria.

– Klubin ia kemi vënë emrin e poetit të madh Nikolla Vapcarov, i lindur në Maqedoni në kohën e Perandorisë Osmane në vitin 1909, i cili në poezinë e tij ka shprehur gjithë dashurinë për Maqedoninë. Ai u rrit në Bullgari, pushtoi kulturën bullgare dhe shkroi poezi të bukura në gjuhën bullgare. Antifashist dhe idealist, një njeri simbol i maqedonasve në Bullgari, i cili punoi me ndershmëri dhe prosperitet në vendin ku jetoi. Ne nuk kemi synime separatiste, duam të jetojmë në Evropën e Bashkuar. Ne kemi 32 vjet që luftojmë për regjistrimin e një partie politike. Bullgaria është gjykuar për këtë 15 herë në Gjykatën Evropiane të të Drejtave të Njeriut. Ne nuk duam të gjykojmë njëri-tjetrin, thjesht duam të jemi të barabartë si qytetarët e tjerë. Ne duam të quhemi maqedonas, të mund të mblidhemi pa frikë. Le të jemi të dobishëm për të dy vendet dhe për të dy popujt, sepse ua njohim shpirtin dhe kulturën. Të jesh maqedonas nuk është akt antibullgar. Maqedonasit në Bullgari kanë 60 vjet që luftojnë për të drejtat e tyre. Ne shtrijmë dorën e miqësisë, por nuk do të ngremë duart dhe nuk do të dorëzohemi. Këtu, sot jemi mbledhur, përfaqësues nga i gjithë populli maqedonas, nga të gjitha anët e Maqedonisë. Prania juaj është një mesazh i fortë për të gjithë dhe për ne, se nuk jemi vetëm. Ne do të vazhdojmë me luftën e drejtë përkundër urrejtjes, – tha Milan Rizakov në emër të themeluesve të Klubit kulturor maqedonas “Nikolla Vapcarov”.

– Bullgaria nuk duhet të ketë frikë nga hapja e Klubit kulturor maqedonas “Nikolla Jonkov Vapcarov”, por përkundrazi të tregojë se është një vend i vërtetë demokratik dhe evropian! Hapja e klubit kulturor maqedonas “Nikolla Vapcarov” është e mirë për Maqedoninë, por do të duhet të bëhet gjithçka për t’i bashkuar të gjithë. Të rinjtë duhet të sillen në klub, se nëse nuk janë aty, nuk do të ketë asgjë. Të gjithë duhet të kujtojnë se Goce Dellçev luftoi për çlirimin e Maqedonisë, jo Bullgarisë. Ai ka lindur në Kukush, jo në Sofje, gjithçka tjetër është histori fanatikësh dhe armiqsh të Maqedonisë. Në Greqi krijuam shoqatën maqedonase me emrin Krste Petkov Misirkov dhe sot punojmë lirisht, askush nuk është kundër. Kur shkuam në gjykatë, nuk na thanë se si është ky emër – Krste Petkov Misirkov. Këtu kemi tre vjet që punojmë dhe krijojmë. Prandaj Bullgaria nuk duhet të ketë frikë nga ky klub që hapet sot këtu në Bllagoevgrad, – tha At Nikodim Carknjas nga Greqia.

https://maei.al/archives/3041