Стерјовски донираше учебници на македонски за ученици во општина Пустец

– dhjetor 3, 2019Postuar në: Shqipëria

Пратеникот во албанскиот парламент од единствената македонска партија во Албанија,Македонска алијанска за европска интегрција, МАЕИ, и лидер на партијата, Васил Стерјовски на 25 септември 2019 година беше во посета на учениците во општина Пустец.

По повод почетокот на новата учебна 2019/2020 година, вчера го посетив основното училиште “Отпорот на Горичени” во Долна Горица, општина Пустец. На учениците и наставниците им ја честитав новата учебна година и им посакав успех во совладувањето на новите знаења. На учениците од прво до четврто одделение во двете основни училишта „Отпорот на Горичени“ во Долна Горица и „Трајан Ѓорѓиовски и Митре Колевски“ во Пустец им подарив учебници по македонски јазик, математика и по природни науки на македонски јазик,изјави за Македониум Стерјовски.
Посочи дека според законската регулатива во Албанија, образовниот процес во општина Пустец, каде што живее признато македонско малцинство, 60 осто од наставата треба да се одвива на македонски јазик.
-Но, иако така стои во законот тоа не се реализира поради недостиг на учебници на македонски јазик за предметите за кои е предвидено наставата да се одржува на македонски јазик. Затоа одлучив колку толку да помгнам овие деца да учат од учебници на македонски јазик, додаде Стерјовски.
Во општина Пустец основно и средно образование следат 155 ученици.Од вкупниот број 125 се основци а 30 гимназијалци. (Македониум)