Македонците со исламска вероисповед во Албанија го прославија Курбан Бајрам

– октомври 15, 2013внесено во: Албанија

Македонците со исламска вероисвед го прославија празникот Курбан Бајрам, вториот најголем празник на муслиманите по Фитр Бајрам. По молитвата, верниците го почнаа тридневното славење, во кога почитта кон Алах се одбележува со жртвување или симболичното колење на Курбанот.

Од прославата на Курбан Бајрам во Шиштавец, Гора

Од прославата на Курбан Бајрам во Шиштавец, Гора


Денот за Македонците со исламска вероисповед започна со утринската молитва „Бајрам намаз“ во најблиските џамии. По утринската молитва во џамиите, според традицијата, се посетуваат гробиштата.

Обичај за празникот е принесување на жртва-курбан, со што се приближуваат кон Господ. Потоа месото им се дели на сиромашните, роднините и соседите.

На овој ден вратите на секој дом се широко отворени. Домаќините подготвуваат семеен ручек и пречекуваат гости кои ги служат со баклава и друго благо и си честитаат во нивните фамилии да има мир, хармонија и просперитет.

Во Шиштевец, областа Гора, Македонците со исламска вероисповед традиционално Курбан Бајрам го прославија и со оро сред село. (Македониум)