Fetahu: Gjuha dhe traditat tona maqedonase është ajo që na bën të fortë dhe të bashkuar si maqedonas

– janar 1, 2025Postuar në: Aktualitet

Themeluesi dhe kryetari i nderit i partisë së vetme maqedonase në Shqipëri, Aleanca e Maqedonasve për Integrimin Europian (AMIE), Prof. Dr. Kimet Fetahu, në një urim me rastin e Vitit të Ri 2025, u ka uruar maqedonasve në Shqipëri shëndet, lumturi dhe suksese në familjet dhe komunitetet e tyre, me një mesazh bashkimi.

Gjuha jonë maqedonase, traditat, këngët, folklori dhe zakonet janë ato që na bëjnë të fortë dhe të bashkuar si maqedonas. Edhe pse kushtet për veprim politik asnjëherë nuk kanë qenë të lehta, ne kemi treguar se edhe në momentet më të vështira mund të qëndrojmë dhe të luftojmë për vendin tonë në shoqërinë shqiptare.

Shton se në tre dekadat e fundit, pas rënies së regjimit totalitar në Shqipëri, maqedonasit nga Prespa deri në Gollobordë, Gora e Vërnik, si dhe në qytetet më të mëdha të Shqipërisë, pa dallim përkatësie fetare, kanë treguar guxim dhe qëndres të madhe në luftën për të drejtat e tyre.

– Nga organizimi në shoqata joqeveritare deri te themelimi i partisë së vetme të maqedonasve në Shqipëri – Aleanca e Maqedonasve për Integrimin Europian, 20 vite më parë, kemi treguar se çfarë do të thotë bashkim dhe përkushtim. Si një nga aktivistët e parë dhe themelues i partisë sonë, jam krenar për atë që kemi arritur në këto dy dekada. Sot, të rinjtë drejtojnë partinë, ndërsa ne, më të vjetrit, jemi këtu për t’u dhënë këshilla, mbështetje dhe drejtim, thekson Fetahu.

Prandaj, thekson ai, apeloj që të gjithë maqedonasit në Shqipëri të bashkohen dhe së bashku ta mbështesin partinë maqedonase.

– Nëse nuk e respektojmë, duam dhe ndihmojmë vetveten, nuk ka kush ta bëjë këtë për ne. Le të sjellë Viti i Ri 2025 më shumë bashkim, sukses dhe përparim për komunitetin maqedonas, uron Kimet Fetahu, me origjinë nga Gollobërda, banues në Tiranë dhe profesor në Universitetin e Tiranës.

©Makedonium