НИТУ ГОРДАНА МИ ЗАБЕЛЕЖА КОГА НАВИВАВ ЗА СТЕВО, НИТУ СТЕВО ЌЕ МИ ЗАБЕЛЕЖИ ШТО АПЛАУДИРАМ ЗА ГОРДAНА!?

– gusht 1, 2024Postuar në: Opinion

НЕДОРАЗБИРАЊАТА СЕ НАДМИНАТИ, ЛАГИТЕ – ДЕМАНТИРАНИ, МАНИПУЛАЦИИТЕ – РАЗОБЛИЧЕНИ.

СЕГА, МОЖЕМЕ ДА ТРГНЕМЕ ВО ОДБРАНА НА МАКЕДОНСКИТЕ НАЦИОНАЛНИ ИНТЕРЕСИ, ОД НОВ ПОЧЕТОК, ВО “ЗАЕДНИШТВО И ОБЕДИНЕТ НАСТАП”, КАКО ШТО ПОВИКА ПРЕТСЕДАТЕЛКАТА СИЉАНОСКА-ДАВКОВА.

Претседателката Гордана Сиљановска Давкова (вчера) прими делегација предводена од Васил Стерјовски, претседател на Македонската алијанса за европска интеграција од Република Албанија. Од соопштението, ја извлекувам клучната поента:
“Претседателката Сиљановска Давкова изрази поддршка на напорите на претставниците на македонското национално малцинство за унапредување на нивните права и повика на заедништво и обединет настап во работата за подобрување на нивната положба”.

ДА, ТОА Е ТОА!

ЗА ДОБРОТО НА МАКЕДОНЦИТЕ ВО АЛБАНИЈА, ЗА ДОБРОТО НА СИТЕ НАС!

Добро е, што НЕДОРАЗБИРАЊАТА се надминати само по една седмица од претходната средба во Охрид, тогаш , во вила “Билјана” со “претставници на македонски здруженија во Република Албанија”. Наведени беа сите здруженија, поименично и лицата кои ги водат.

Тогаш, Претседателката “изрази задоволство од нивниот значаен придонес во средините во коишто живеат и работат, континуирано унапредувајќи ги македонско-албанските односи”.

Но, како што во колумна, озаглавена: “Кој ја насанка Претседателката!?” ( https://plusinfo.mk/ko-a-nasanka-pretsedatelkata/… , поранешниот амбасадор (или, единствениот – ВИСТИНСКИ, како што нагласуваат нашинците таму!), господинот Ристо Никовски, според мене, ВИСТИНСКИОТ познавач на приликите таму, аргументирано, зачувувајќи го достоинството и интегритетот на Претседаѕелката, укажа на дипломатската грешка, да не речеме малиот скандал.

Некој, или некои, на Претседателката и донеле погрешни гости, лица кои немаат никакво својство, ниту пак претставуваат легални и легитимни здруженија! Со исклучок на само едно.

Како што сега се дозна, Претседателката, уште тогаш прашала : каде е легитимниот претседател на единсвената легитимна и легална политичка асоцијација на Македонците во Албанија – Македонската алијансата за европска интеграција!?
Како и да е, се Е ДОБРО КОГА ДОБРО ЌЕ СЕ ЗАВРШИ!

Нескромно, си земам за право да кажам, дека, колку знаев и умеев, и самиот се обидов да придонесам да се надминат недоразбирањата, за во иднина, на масата на Претседаѕелката, соработниците (здушно координирани и со еден телевизиски медиум со национална концесија!), повеќе да не ги носат “дивите”, а да ги бркаат “питомите”!

На времето, кога се правеа охридските визити, кои ги пресече короната, имаше една шега, кога домот ќе се преполнеше од визитари:” дојдоа дивите, нека стануваат питомите”!

Затоа, ваквата разврска ја сметам и како лична сатисфакција. На социјалните мрежи ги имаше подоста кои беа “изненаѓени и увреѓени!”, што еден докажан левичар, ја “фали”, и се “додворува” и “угодува”… на Претседателката! Тоа се “мудреци!”, сегашни, или поранешни партиски “солдати” од левиот спектар.

Особено ги погоди насловот: “Професорке, не ве давам никому, вие сте сега единствената моја Претседателка”!?
https://libertas.mk/profesorke-ne-ve-davam-nikomu-vie…/…

Особено беа “увреѓени и ојаѓени!” оние, кои ми аплаудираа на мојата отворена, медиска и теренска поддршка на Стево Пендаровски како претседателски кандидат.

Но, тоа заврши, јас и натаму имам само една татковина и само еден претседател на мојата татковина.

Верувам дека, ниту тогаш ми забележала Гордана, ниту сега. ќе ми забележи Стево.

Зошто,? Затоа што, и едниот и другиот, си имаат попаметна работа. Затоа што и едниот и другиот, ќе го прочитаат текстот, а не само насловот!

Сите други, кои немаат попаметна работа од СЕИРЏИСТВОТО, немаат ниту време, нитиу воља, ниту духовна потреба да навлезат во содржината, во суштината, кога се САМОДОВОЛНИ само со формата.

Веле Митаноски