Sterjovski: Të mos përsëritet më kurrë eksodi i maqedonasve

– korrik 4, 2023Postuar në: Politika

Kryetari i së vetmes parti maqedonase në Shqipëri – Aleanca e Maqedonasve për Integrimin Europian (AMIE), Vasil Sterjovski, mbajti fjalën përshëndetëse në Akademinë e Shkencave dhe Arteve të Maqedonisë (MANU) në Akademinë me rastin e 75 vjetorit të eksodit i maqedonasve nga Maqedonia e Egjeut gjatë luftës civile në Greqi 1946-1949.

Në fjalimin drejtuar Akademisë, kryetari i AMIE-së tha: “Të dashur vëllezër dhe motra maqedonas, është nder dhe kënaqësi e veçantë për mua t’ju përshëndes në Akademinë e sotme me rastin e 75 vjetorit të eksodit të maqedonasve nga Maqedonia e Egjeut gjatë Luftës Civile në Greqi 1946-1949, në emër të partisë së vetme të maqedonasve në Shqipëri, Aleanca e Maqedonasve për Integrimin Europian.

Dërgojmë urime të sinqerta për organizimin e mrekullueshëm, Unionit të shoqatave të maqedonasve dhe fëmijëve refugjatë nga Maqedonia e Egjeut MAKEDON.

Maqedonasit nga Maqedonia e Egjeut morën pjesë aktive në formacionet ushtarake dhe politike gjatë Luftës së Dytë Botërore 1941-1945 dhe në Luftën Civile në Greqi 1946-1949, me programin e vet politik që paraqet platformë për luftën e përbashkët të popullit maqedonas dhe grek për çlirim kombëtar dhe shoqëror.

Maqedonasit nga Shqipëria janë dëshmitarë të eksodit dhe kalvarit të maqedonasve nga Maqedonia e Egjeut kur në vitin 1949, kolona me mijëra refugjatë u tërhoq nga Greqia në Shqipëri, duke kaluar nëpër zonat e banuara me maqedonas.
Përkujtimi dhe kujtimi i viktimave të Luftës Civile në Greqi 1946-1949 dëshmon se çështja maqedonase nuk është e mbyllur. Edhe pas 75 viteve të eksodit, maqedonasit nga pjesa e Egjeut përballen me të njëjtën sfidë – mohimin e identitetit të tyre.

Maqedonasit nga Shqipëria mbështesin kërkesat e maqedonasve të dëbuar me forcë nga Maqedonia e Egjeut për kthimin e shtetësisë, të drejtave civile, pronësore dhe trashëgimore dhe për avancimin e pozitës dhe të drejtave dhe lirive të maqedonasve në Greqi.

Ne duhet të jemi të bashkuar në luftën për të drejtat dhe liritë e maqedonasve në të gjitha vendet e Ballkanit. Lavdi dhe kujtim i përjetshëm për të gjithë heronjtë dhe luftëtarët e njohur dhe të panjohur për lirinë e Maqedonisë. Të mos përsëritet më kurrë eksodi i maqedonasve.”

©Makedonium