Osmani: Sot e dërguam pjesën e parë të ndihmës për maqedonasit në Shqipëri

– janar 15, 2023Postuar në: Politika

Ministri i Punëve të Jashtme, Bujar Osmani sot njoftoi se anëtarët e komunitetit maqedonas në Shqipëri do të marrin ndihma nga Maqedonia. Osmani tha se kjo ndihmë vjen pas vizitës që ai kishte në Pustec dhe Trebishtë në gusht të vitit të kaluar ku u takua me përfaqësues të partisë Aleanca e Maqedonasve për Integrimin Europian dhe shoqatat maqedonase.

“Sot e dërguam pjesën e parë të ndihmës për maqedonasit në Shqipëri, sipas Planit aksionar të përgatitur pas vizitës sime në Trebisht dhe Pustec, në gusht të vitit të kaluar. Çanta për nxënës, mjete shkollore për më shumë se 130 nxënës dhe koftorë, donacion i Ministrisë së Arsimit dhe Shkencës, për nevojat e nxënësve dhe shkollave ku pjesëtarët e pakicës kombëtare maqedonase ndjekin mësimin. Mirënjohje edhe për Ndërmarrjen Publike për Mirëmbajtjen dhe Mbrojtjen e Rrugëve kryesore dhe rajonale, që me kërkesë të maqedonasve nga Golloborda kanë siguruar buldozer për pastrimin e borës dhe i njëjti shumë shpejt do të dërgohet”, tha Osmani.

Shefi i diplomacisë theksoi se Maqedonia do të vazhdojë të ofrojë mbështetje për pjesëtarët e pakicës kombëtare maqedonase në Shqipëri, si përmes ndihmës konkrete siç janë pajisjet e sotme shkollore, ashtu edhe përmes mbështetjes më të gjerë institucionale për mbrojtjen dhe promovimin e veçorive të tyre gjuhësore dhe kulturore në Shqipëri.

©Makedonium