Prespa do të zhvillohet me 18 milionë euro nga Bashkimi Evropian

– dhjetor 6, 2022Postuar në: Aktualitet

Prespa, si një ekosistem unik me një pozicion gjeopolitik po aq unik që bashkon tre shtete në jug të Ballkanit, merr një fond evropian me prej 18 milionë euro. Programi i BE-së për Prespën synon zhvillimin e infrastrukturës, mbrojtjen e mjedisit njerëzor dhe biodiversitetit të pasur, bujqësisë, turizmit dhe bashkëpunimin e popullsisë së tre vendeve të Maqedonisë, Shqipërisë dhe Greqisë që ndajnë ujërat e liqenit të Prespës.

“BE do të rrisë së shpejti ndihmën financiare në kuadër të programit të BE-së për Prespën, kryesisht ajo do të mbulojë disa aktivitete që besojmë se do të fillojnë shumë shpejt. Këto aktivitete përfshijnë punimet ndërtimore për hapjen e pikës kufitare “Markova noga” me Republikën e Greqisë, impiantet e trajtimit të ujërave të zeza dhe menaxhimit të mbetjeve të ngurta, si dhe aktivitete të tjera që BE-ja do të ndërmarrë për promovimin e turizmit dhe mjedisit, si dhe asistencë për bizneset e ndryshme që janë aktive në këtë rajon”, tha ambasadori i Bashkimit Europian në Maqedoni, David Gir gjatë vizitës së djeshme në rajon.

Në takim, Ambasadori Gir informoi qytetarët për potencialet e këtij fondi, duke theksuar se suksesi i realizimit të tij varet nga iniciativa e vetë banorëve të Prespës. Ambasadori Gir theksoi gjithashtu se një nga qëllimet kryesore të programit të BE-së për Prespën është të sigurojë vende pune që do t’i mbajë të rinjtë në atë rajon.

Sipas planit për realizimin e fondeve në mesin e 2023, duhet të fillojnë aktivitetet për ndërtimin e projekteve të infrastrukturës siç janë rrjeti i kanalizimeve dhe impiantet e trajtimit. Paralelisht siç u tha, do të intensifikohen punimet për hapjen e pikës kufitare “Markova noga” midis Maqedonisë dhe Greqisë.

©Makedonium