Panariti – Karajanov: Duhet te intensifikohet bashkëpunimi mes dy vendeve në fushën e bujqësisë

– nëntor 26, 2013Postuar në: Shqipëria

Ministri i Bujqësisë, Zhvillimit Rural dhe Administrimit të Ujërave, Edmond Panariti priti sot në takim ambasadorin e Maqedonisë në vendin tonë z. Stojan Karajanov.

Ministri Panariti u shpreh se bashkëpunimi mes dy vendeve duhet të intensifikohet në fushën e bujqësisë. Në këtë kuadër Ministri Panariti ka pranuar me kënaqësi ftesën e Ministrit maqedonas të Bujqësisë z. Ljupcho Dimovski për të zhvilluar së afërmi një vizitë në Shkup. Ministri Panariti u shpreh se pret që gjatë kësaj vizite të hidhen hapa konkretë në bashkëpunimin mes dy vendeve me fokus të vecantë sektorin bujqësor, si firmosje marrëveshjesh me interes të ndërsjelltë, transmeton gazeta Makedonium.

Ndërkohë ambasadori Karajanov bëri një paraqitje të arritjeve të Maqedonisë në sektorin e bujqësisë dhe mënyrës se si funksionon atje skema e subvencioneve për fermerët. Ministri Panariti u shpreh se Maqedonia mund të asistojë me eksperiencën e saj në këtë fushë veçanërisht në skemën e subvencioneve për fermerët dhe përthithjen e fondeve të BE të dedikuara për bujqësinë. (Makedonium)